«Қарағанды Жарық» ЖШС-нің инвестициялық бағдарламасы аясында 2023–2027 жылдарға жоспарланған «Қарағанды» қосалқы станциясын жаңғырту жобасы кезең-кезеңімен жүзеге асырылуда.
Қазіргі кезеңде бірқатар маңызды жұмыстар атқарылды:
— 110 кВ ашық тарату құрылғысы (АТҚ) аумағын жоспарлау жүргізілді;
— жаңа 6 кВ жабық тарату құрылғысы (ЖТҚ) ғимараты салынды;
— 110 кВ АТҚ қайта жаңғыртылды;
— CHINT өндірісінің заманауи 110/35/6 кВ трансформаторы орнатылды.
2026 жылы тұтынушыларды ескі 6 кВ ЖТҚ ғимаратынан жаңасына көшіру жоспарланған, бұл нысанды жаңартудың келесі кезеңі болады.
Жобаны іске асыру Қарағанды тұтынушыларын электрмен жабдықтаудың сенімділігі мен сапасын едәуір арттыруға мүмкіндік береді.
