«Ялтинская» қосалқы станциясында «Қарағанды Жарық» ЖШС маңызды жаңғырту кезеңін жүзеге асыруда — 110 кВ кернеулі, 2500 кВА қуаттағы екінші күштік трансформатор орнатылып, іске қосылуда.
Жұмыстар білікті мамандар мен зауыт-өндірушінің шеф-инженерлерінің қатысуымен жүргізіліп жатыр. Бұл жабдықтың сапалы орнатылуын және сенімді жұмысын қамтамасыз етеді.
Нәтижесінде Қулайғыр және Жаман-Жол елді мекендерінің электрмен жабдықталуы айтарлықтай жақсарады:
– апаттық ажыратулар қаупі төмендейді;
– жүктеме кезінде қосымша резерв пайда болады;
– кернеу сапасы жақсарады;
– жаңа тұтынушыларды қосуға мүмкіндік артады.
Қысқасы, бұл — тек жабдықты жаңарту емес, тұрғындардың қауіпсіздігі мен жайлылығын арттыруға бағытталған жүйелі жұмыс.
