«Қарағанды Жарық» ЖШС Майқұдықтың тарату электр желілерін қайта жаңғырту бойынша ірі жобаны іске асыруды аяқтауға жақын.
Жобаның негізгі мақсаты — ескірген энергетикалық инфрақұрылымды жаңарту және аудан тұтынушыларын жаңа 110/10 кВ «Жаңа Майқұдық» қосалқы станциясына ауыстыру.
Жұмыстар бірден 7 жоғары кернеулі желіні — № 3, 6, 4, 7, 8, 20 және 21 фидерлерді қамтиды. Оларды жаңа қосалқы станцияға ауыстыру қуат резервін арттыруға, электрмен жабдықтау сенімділігін күшейтуге және жаңа тұрғын үйлер мен әлеуметтік нысандарды электр желісіне қосуға мүмкіндік береді.
Жоба аясында:
🔹 жүктемесі жоғары № 3 және № 6 фидерлерде қимасы 630 мм²-ге дейінгі заманауи кабельдер тартылуда;
🔹 № 4, 7, 8, 20 және 21 фидерлерде қимасы 3×240 мм² болатын брондалған кабель желілері қолданылуда;
🔹 жер астына 18 шақырымнан астам жаңа кабель желілері төселеді;
🔹 40 темірбетон тірек пен шамамен 9,5 шақырым ескі әуе электр желісін бөлшектеу көзделген;
🔹 жұмыстар Белинский, Күзембаев, Технологиялық, Уржумская көшелерін, сондай-ақ 19-шағынауданды қамтиды;
🔹 автомобиль жолдары мен жаяу жүргіншілер жолдарын кесіп өтетін учаскелерде көлденең бағытта бұрғылау әдісі қолданылуда. Бұл жол жабындысын бұзу көлемін барынша азайтуға мүмкіндік береді.
📅 Негізгі жұмыстарды 2026 жылдың қазан айының соңына дейін аяқтау жоспарланған. Қазіргі уақытта соңғы тұтынушыларды электрмен жабдықтаудың жаңа схемасына қосуға дайындық жүргізілуде. Одан кейін ескі әуе электр желілері мен тіректерді бөлшектеу жұмыстары ғана қалады.
Жобаның іске асырылуы Майқұдықтағы электрмен жабдықтау сенімділігін едәуір арттырып, электр желілерінің ауа райы жағдайларына тәуелділігін төмендетуге мүмкіндік береді.
