ҚКЖ компаниялар тобына кіретін «Қарағанды Жарық» ЖШС Узенка (ЖБИ) кентінің электр желілері инфрақұрылымын жаңғырту жөніндегі ауқымды жобаны жүзеге асыруды жалғастыруда.
Жоба электрмен жабдықтаудың сенімділігі мен сапасын арттыруға, қолданыстағы энергетикалық нысандарды жаңартуға және тұтынушылар үшін қосымша қуат резервін қалыптастыруға бағытталған.
🔹 7 жаңа трансформаторлық қосалқы станция салынуда. Жаңа нысандар электрмен жабдықтау жүйесінің тұрақтылығын арттырып, тұтынушыларға электр энергиясын тиімді әрі біркелкі таратуға мүмкіндік береді.
🔹 Қолданыстағы 11 энергетикалық нысан жаңғыртылуда. Мамандар ескірген жабдықтар мен құрылымдарды бөлшектеп, заманауи техникалық шешімдерді қолдану арқылы электр желілері инфрақұрылымын жаңарту жұмыстарын жүргізуде.
Жобаның жүзеге асырылуы Узенка кентінің энергетикалық инфрақұрылымын дамытудағы маңызды қадам болмақ. Нәтижесінде заманауи, тұрақты әрі сенімді электрмен жабдықтау жүйесі қалыптасады.
